India - Otta Nottathil - us_deport_indians

Advertisements

ഇന്ത്യക്കാരെ യുഎസ് നാടുകടത്തിയത് കൈകാലുകള്‍ ബന്ധിച്ച്

Photo #1 - India - Otta Nottathil - us_deport_indians_handcuffed

ചണ്ഡിഗഡ്: അനധികൃത കുടിയേറ്റത്തിന്റെ പേരില്‍ യു.എസില്‍നിന്ന് നാടുകടത്തിയ ഇന്ത്യക്കാരുടെ കൈകാലുകള്‍ വിമാനയാത്രയില്‍ ഉടനീളം ബന്ധിച്ചുവെന്ന് പഞ്ചാബ് സ്വദേശി വെളിപ്പെടുത്തി. സൈനിക വിമാനം അമൃത്സര്‍ വിമാനത്താവളത്തില്‍ ലാന്‍ഡ് ചെയ്ത ശേഷമാണ് വിലങ്ങഴിച്ചതെന്നും ഗുര്‍ദാസ്പുരിലെ ഹാര്‍ദോര്‍വാല്‍ ഗ്രാമത്തില്‍നിന്നുള്ള ജസ്പാല്‍ സിങ് വ്യക്തമാക്കി.

ബുധനാഴ്ച രാത്രിയോടെ സ്വന്തം നാട്ടിലെത്തിയ ജസ്പാല്‍ സിങ്, തന്നെ ഒരു ട്രാവല്‍ ഏജന്റ് പറ്റിച്ചതാണെന്ന് പറഞ്ഞു. നിയമപരമായ രീതിയില്‍ യു.എസില്‍ എത്തിക്കാമെന്ന് പറഞ്ഞ് വഞ്ചിക്കുകയായിരുന്നു. വിസാചട്ടങ്ങള്‍ പാലിച്ച് യു.എസിലേക്ക് എത്തിക്കാനാണ് ആവശ്യപ്പെട്ടിരുന്നത്. ഇതിനായി ഏജന്റിന് 30 ലക്ഷം രൂപ നല്‍കി. കഴിഞ്ഞ ജൂലൈയില്‍ വിമാന മാര്‍ഗം ബ്രസീലിലെത്തി. അവിടെനിന്ന് മറ്റൊരു വിമാനത്തില്‍ യു.എസില്‍ എത്തിക്കുമെന്നായിരുന്നു വാഗ്ദാനം. എന്നാല്‍ ആറ് മാസത്തിനിപ്പുറവും ഏജന്റ് തുടര്‍നടപടികള്‍ക്ക് സഹായിക്കാതിരുന്നതോടെ അനധികൃതമായി അതിര്‍ത്തി കടക്കാന്‍ തീരുമാനിക്കുകയായിരുന്നു. ഇതോടെ ബോര്‍ഡര്‍ പട്രോളിന്റെ പടിയിലായി.11 ദിവസം കസ്ററഡിയില്‍ കഴിഞ്ഞ ശേഷമാണ് മടക്കി അയക്കുന്നത്.

നാടുകടത്തപ്പെടുകയായിരുന്നു എന്ന കാര്യം പോലും താന്‍ അറിഞ്ഞില്ലെന്ന് ജസ്പാല്‍ പറയുന്നു. മറ്റൊരു ക്യാമ്പിലേക്ക് മാറ്റുകയാണെന്നായിരുന്നു ഞങ്ങളുടെ ധാരണ. എന്നാല്‍ പിന്നീടൊരു പൊലീസ് ഉദ്യോഗസ്ഥന്‍ ഇന്ത്യയിലേക്ക് അയക്കുകയാണെന്ന് വ്യക്തമാക്കി. കൈയില്‍ വിലങ്ങ് അണിയിക്കുകയും കാലുകളില്‍ ചങ്ങല കെട്ടി ബന്ധിക്കുകയും ചെയ്തു. അമൃത്സര്‍ വിമാനത്താവളത്തില്‍ എത്തിയ ശേഷമാണ് ഇത് അഴിച്ചത്. കടം വാങ്ങിയ പണം കൊണ്ടാണ് നാട്ടില്‍നിന്ന് പോയതെന്നും ഇനി എന്തു ചെയ്യണമെന്ന് അറിയില്ലെന്നും ജസ്പാല്‍ പറഞ്ഞു.

നാടുകടത്തലിന്റെ വിവരം ബുധനാഴ്ച മാധ്യമങ്ങളിലൂടെയാണ് അറിഞ്ഞതെന്ന് ജസ്പാലിന്റെ അമ്മാവന്റെ മകന്‍ ജസ്ബീര്‍ സിങ് പറഞ്ഞു. വലിയ സ്വപ്നങ്ങളുമായാണ് വിദേശത്തേക്ക് പോകുന്നതെന്നും ഇപ്പോള്‍ നടക്കുന്ന പ്രശ്നങ്ങള്‍ക്ക് കാരണം സര്‍ക്കാറുകളാണെന്നും ജസ്ബീര്‍ പറയുന്നു. ജസ്പാല്‍ യു.എസില്‍ എത്തിയതിനു സമാനമായി, അതിര്‍ത്തി വഴി അനധികൃതമായി കടന്നവരാണ് തിരിച്ചയച്ചവരില്‍ ഏറെയും. വിദേശത്ത് മെച്ചപ്പെട്ട ജീവിതസാഹചര്യങ്ങള്‍ തേടിയെത്തിയ ഇവരില്‍ ഏറെപേരും, ഭാവി അനിശ്ചിതത്വത്തിലാണെന്ന ആശങ്കയിലാണ്.

അതേസമയം പുതിയ കുടിയേറ്റ നയത്തിന്റെ ഭാഗമായി അനധികൃത കുടിയേറ്റക്കാരെ ഒഴിപ്പിക്കുന്ന ട്രംപ് ഭരണകൂടം, വിവിധ സംസ്ഥാനങ്ങളില്‍നിന്നായാണ് 104 ഇന്ത്യക്കാരെ തിരിച്ചത്. വരുംദിവസങ്ങളില്‍ കൂടുതല്‍ പേരെ നാടുകടത്തുമെന്നും വിവരമുണ്ട്. ബുധനാഴ്ച അമൃത്സറില്‍ എത്തിയവരില്‍ 33 വീതം പേര്‍ ഹരിയാന, ഗുജറാത്ത് സ്വദേശികളാണ്. 30 പേര്‍ പഞ്ചാബ് സ്വദേശികളും മഹാരാഷ്ട്ര, ഉത്തര്‍പ്രദേശ് എന്നിവടങ്ങളില്‍നിന്നുള്ള മൂന്ന് വീതം പേരും ചണ്ഡിഗഡില്‍ നിന്നുള്ള ഒരാളുമാണ് വിമാനത്തിലുണ്ടായിരുന്നത്.

തിരിച്ചെത്തിയവരില്‍ 19 വനിതകളാണുള്ളത്. ഒരു നാല് വയസ്സുകാരനും രണ്ട് പെണ്‍കുട്ടികളും ഉള്‍പ്പെടെ പ്രായപൂര്‍ത്തിയാകാത്ത 13 പേരുമുണ്ട്. ട്രംപ് ഭരണകൂടത്തിന്‍റെ നടപടി മോദി സര്‍ക്കാറിന്‍റെ നയതന്ത്ര പരാജയമായും വിലയിരുത്തുന്നുണ്ട്.

- dated 06 Feb 2025

Comments:

Keywords: India - Otta Nottathil - us_deport_indians_handcuffed India - Otta Nottathil - us_deport_indians_handcuffed,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.

Other News Titles:

ഏറ്റവും മലിനമായ 20 ലോക നഗരങ്ങളില്‍ 13 എണ്ണം ഇന്ത്യയില്‍ Recent or Hot News

തുടര്‍ന്നു വായിക്കുക

വിമാനങ്ങളുടെ എണ്ണത്തില്‍ സെഞ്ചുറിയടിച്ച് എയര്‍ ഇന്ത്യ എക്സ്പ്രസ് Recent or Hot News

തുടര്‍ന്നു വായിക്കുക

ഷൈനിയെയും മക്കളെയുംപറ്റി ആരും പറയാത്ത സംഭവ കഥ ഷൈനിയുടെ അപ്പന്‍ കഥയിലെ മറ്റൊരു വില്ലന്‍ Recent or Hot News

തുടര്‍ന്നു വായിക്കുക

Rule_changes_indian_passport_2025_india_govt

ഇന്‍ഡ്യന്‍ പാസ്പോര്‍ട്ട് നിയമത്തില്‍ പുതിയ മാറ്റങ്ങള്‍ വരുത്തി കേന്ദ്ര സര്‍ക്കാര്‍ എല്ലാം ഇവിടെ അറിയാം Recent or Hot News

തുടര്‍ന്നു വായിക്കുക

യുഎസില്‍നിന്നു നാടുകടത്തപ്പെട്ടവര്‍ക്കെതിരേ ഇന്ത്യയില്‍ അന്വേഷണം Recent or Hot News

തുടര്‍ന്നു വായിക്കുക

വേള്‍ഡ് മലയാളി കൗണ്‍സില്‍ പാലക്കാട് ചാപ്റ്റര്‍ രൂപീകരിച്ചു
തുടര്‍ന്നു വായിക്കുക

ഇന്ത്യയിലെ കാന്‍സര്‍ രോഗികളില്‍ മരണനിരക്ക് കൂടുന്നു
തുടര്‍ന്നു വായിക്കുക

List all titles